ڕۆژا چارشەمبی ڕێـککـەفتی (٢٠٢٥/٣/١٢) ب ئامادەبوونا بەرێز (صباح ابراهيم ويسی) نوینەرێ وەزیرێ خواندنا بلند و ڤەکۆلینێن زانستی و هژمارەکا کەسایەتیان و دەزگەهێن ڕاگەهاندنێ، ڕێورەسمێن وەرگرتن و ڕادەستکرنا پۆسێ سەرۆکێ زانکۆیا زاخۆ بڕێڤەچوون و تێدا ڕێزدار (پ.د. دیار عبدالکریم سعید) ل جهێ ڕێزدار (پ.د. ناظم سليمان عبدالعزيز) وەک سەرۆکێ نوی یێ زانکۆیێ دەستبکاربوو.
د گوتنەکێدا؛ ڕێزدار (صباح ابراهيم ويسی) سوپاسیا سەرۆکێ بەرێ یێ زانکۆیا زاخۆ بەرێز (پ.د. ناظم سليمان عبدالعزيز) كر و دیارکر: کۆ د ماوەیێ دەستبکاربوونا خۆدا، ئەوی ب دلسۆزی و خەمخۆری کارکریە و هاریکاریا بەردەوام پێشکێشی مامۆستا و فەرمانبەر و قوتابیێن زانکۆیێ کریە، هەروەسا شیایە زانکۆیێ بەرەڤ پێشڤەچوونێن باش ببەت. پاشان پیرۆزباهی ل سەرۆکێ نویی یێ زانکۆیا زاخۆ بەرێز (پ.د. دیار عبدالکریم سعید) کر و هەمی ئامادەیی و پشتەڤانیا وەزارەتا خواندنا بلند بۆ دوپاتکر و هیڤیا سەرکەڤتنێ د ئەرکێ وی یێ نوییدا بۆ خواست.